کۆمسیۆنی باڵای هەڵبژاردنەکانی باکوور و ڕۆژهەڵاتی سووریا، بڕیاری لەسەر دواخستنی هەڵبژاردن بۆ حوزەیرانی ٢٠٢٤ دا.
کۆمسیۆنەکە لە بڕیاری ژمارە (٢)ی خۆیدا، کە ئەمڕۆ شەممە، ١١ی ئایاری ٢٠٢٤ بڵاویکردەوە، باسی لەوە کردووە، کە وەک کۆمسیۆنی باڵای هەڵبژاردنەکان ئامانجی سەرەکییان سەرکەوتنی پڕۆسەی هەڵبژاردن و مسۆگەرکردنی دیموکراسیەت و شەفافیەتە و سەبارەت بە هەڵبژاردنە بڕیارلێدراوەکەی ٣٠ی ئایاریش، ڕوونیکردووەتەوە کە ماوەی پێویست بۆ ئامادەکارییەکان بەردەست نییە و لەبەرئەوە بڕیاریانداوە بە دواخستنی هەڵبژاردنەکە بۆ ١١ی حوزەیرانی ٢٠٢٤.