بەڕێوەبەرایەتی پۆلیسی پارێزگای دهۆک، وێنەی کچێکی بڵاوکردووەتەوە، کە ماوەی پێنج ڕۆژە لەماڵ دەرچووە و ون بووە.
ئەمڕۆ دووشەم، ١٣ی ئایاری ٢٠٢٤، بەڕێوەبەرایەتی پۆلیسی پارێزگای دهۆک، لەگەڵ بڵاوکردنەوەیەکی وێنەیەک کە لە ڕێگەی کامێرای چاودێرییەوە گیراوە، ڕایگەیاند، وێنەکە هیی کچێکی لەدایکبووی ساڵی ٢٠٠٨ە، بەناوی (ئامینە سەلاح ئەحمەد) کە لە ٩ی ئایاری ٢٠٢٤ لەماڵەکەی خۆیان لە ناوەندی قەزای شێخانەوە بەرەو ڕێگای ئەلقووش چووە و لەوکاتەوە تا ئێستا بێسەروشوێنە.
پۆلیسی پارێزگای دهۆک، داوا لە هاووڵاتییان دەکات، هەر زانیارییەکیان لەسەر کچە ونبووەکە هەیە، پێوەندی بە هێڵی (١٠٤)ی پۆلیس یان ژمارە مۆبایلی (07507559365)ەوە بکەن لەپێناو دۆزینەوە و ئاشکرابوونی چارەنووسی ونبووەکە.