بەڕێوەبەرایەتی هاتوچۆی هەولێر، هاتوچۆی ئۆتۆمبێلی بارهەڵگر لە ڕێگاکانی ناوچە گەشتیاری و سەیرانگەکان قەدەغە دەکات لەماوەی ڕۆژانی جەژنی قورباندا.
بەڕێوەبەرایەتی هاتوچۆی هەولێر، ئەمڕۆ پێنجشەم، ١٣ی حوزەیرانی ٢٠٢٤، لە ڕاگەیەندراوێکدا ئاگاداری شوفێرانی بارهەڵگر دەکاتەوە، کە لە هەر چوار ڕۆژی جەژنی قورباندا، هاتوچۆی ئۆتۆمبێلی بارهەڵگر لەو ڕێگایانەی دەکەونە ناوچە گەشتیاری و سەیرانگاکان، بەتایبەت ڕێگای هەولێر-شەقڵاوە، قەدەغەیە.
بەڕێوەبەرایەتییەکە ئاماژەی بەوە کردووە، بڕیارەکە لەپێناو بەرژەوەندی گشتی و دروست نەبوونی جەنجاڵی و ئاستەنگی هاتوچۆیە لەو ناوچانەدا.