بەڕێوەبەرایەتی نەهێشتنی ماددە هۆشبەرەکان دەستگیرکردنی چوار بازرگان بە ١٧ کیلۆگرام ماددەی هۆشبەر لە جۆری کریستاڵ ڕادەگەیەنێت.
بەڕێوەبەرایەتی نەهێشتنی ماددە هۆشبەرەکان ڕایگەیاند، دوای بەدواداچوون و کۆکردنەوەی زانیاری و پاشان وەرگرتنی فەرمانی دادوەری لێکۆڵینەوەی ئاسایش، لە ڕێککەوتی ٢٦ی ئایاری ٢٠٢٤ تا ٣ی تەممووزی ٢٠٢٤ لەدوو چالاکیدا توانییان چوار تۆمەتبار کە کاری گواستنەوەو بازرگانی بە ماددەی هۆشبەر دەکەن دەستگیربکەن.
هەر لە ڕاگەیەندراوەکەدا دەڵێ، لەم دوو چالاکییەدا بڕی (١٧) کیلۆگرام ماددەی هۆشبەر لەجۆری کریستاڵ دەستی بەسەردا گیراوە.
بەگوێرەی ڕاگەیەندراوەکە، ئێستا هەر چوار تۆمەتبار بەپێی یاسای بەرەنگاربوونەوەی ماددە هۆشبەرەکان ڕاگیراون و لەژێر لێکۆڵینەوەدان.