بەگوێرەی ڕێنماییەکان، تەنیا ئەو فەرمانبەرانە فۆڕمی وەرگرتنی زەوی پڕ دەکەنەوە، کە بەدرێژایی تەمەنیان سوودمەند نەبوون لە وەرگرتنی زەوی یان خانوو لە حکوومەت.
هەروەها لە ڕێنماییەکاندا هاتووە، ئەگەر ژن و پیاو هەردووکیان فەرمانبەر بوون، کامەیان خزمەتیان زیاتر بێت، ئەو فۆڕمەکە پڕ دەکاتەوە، بەڵام نابێت فەرمانبەرەکە خزمەتی لە هەشت ساڵ کەمتر بێت و هاوکات خزمەتی هاوسەریی فەرمانبەر بە خاڵ هەژمار دەکرێت.
لە ڕێنماییەکاندا ئاماژە بەوە کراوە، کە فەرمانبەرانی گرێبەست نابێت فۆڕمەکە پڕ بکەنەوە.
ئەوەش ڕوونکراوەتەوە، کە ئەو فەرمانبەرانەی لە شار و شووقەکاندا خانوویان لە کۆمپانیاکان وەرگرتووە بە سوودمەند هەژمار ناکرێن، جگە لەوانەی زەوی بەتاڵیان لە گوندی کۆری وەرگرتووە، بە سوودمەند هەژمار دەکرێن و ناتوانن فۆڕمەکە پڕ بکەنەوە، بەڵام ئەوانەی خانوویان لە گوندی کۆری وەرگرتووە، بە سوودمەند داناندرێن.
