دوای سێ مانگ لە دابەشنەکردنی مووچە، وەزارەتی دارایی عێراق تەرخانکراوی مووچەی مانگی ئایاری خستە سەر هەژماری بانکیی وەزارەتی دارایی ئابووری حکوومەتی هەرێمی کوردستان.
وەزارەتی دارایی و ئابووری ڕایگەیاند، ئەمڕۆ پێنجشەم، ٢٤ی تەممووزی ٢٠٢٥، بڕی ٩٧٤ ملیار و ٨١٣ ملیۆن دینار وەک شایستەی مووچەی فەرمانبەران و مووچەخۆرانی هەرێمی کوردستان بۆ مانگی ئایار، خرایە سەر هەژماری بانکیی وەزارەتی دارایی و ئابووریی هەرێمی کوردستان، لە لقی هەولێری بانکی ناوەندیی عێراق.
وەزارەتی دارایی ئاماژەی دا: سبەی هەینی، ٢٥ی تەممووزی ٢٠٢٥، دەست بە دابەشکردنی مووچە دەکرێت.