پارێزگاری بانکی ناوەندی عێراق ڕایدەگەیەنێت، ٨٠٪ی پارەی عێراق لە دەرەوەی سیستمی بانکی و لە ماڵەکاندا هەڵگیراوە، ئەوەش بەهۆی نامتمانەیی هاووڵاتییان بە سیستمی بانک.
عەلی عەلاق ئاماژەی بەوەدا، کە بەهۆی نەبوونی متمانەی هاووڵاتییان بە سیستمی بانکی، ٨٠٪ی پارەی عێراق لە دەرەوەی سیستمی بانکی و لە ماڵەکاندا هەڵگیراوە.
عەلاق گوتی، بانكی ناوەندی داوای لە هەموو بانكەكان كردووە لەماوەیەكی كەمدا سەرمایەكانیان بگەیەننە ٤٠٠ ملیار دینار.
پارێزگاری بانکی ناوەندی عێراق گوتیشی: “دامەزراندنی سیستمێكی تۆکمەی بانكی نیشتمانی پێویستی بە هاوبەشی ڕاستەقینە هەیە لەگەڵ بانكە نێودەوڵەتییە گەورەكاندا كە سامانەكانیان لەنێوان ٣٠٠ بۆ ٤٠٠ ملیار دۆلاردایە”.