زێدپرێس
بەڕێوەبەرایەتی هاتوچۆی سلێمانی، بە ڕێگەی نووسراوێکی فەرمی کە ئاڕاستەی سەرجەم بەشەکانی هاتوچۆی کردووە، داوا لە کارمەندەکانی دەکات، کارتەکانی دەنگدانی خۆیان و ئەندامانی خێزانەکانیان بنێرن.
بەگوێرەی نووسراوێکی بەڕێوەبەرایەتی هاتوچۆی پارێزگای سلێمانی، بە ژمارە ٢٩٤٣٣ی ڕێککەوتی ٥ی ئەیلوولی ٢٠٢٣، کە ئیمزای عەمید ئاسۆ محەمەدئەمین بەهرام بەڕێوەبەری هاتوچۆی پارێزگای سلێمانی بەسەرەوەیە، ئاگاداری سەرجەم ئەفسەران و کارمەندان و فەرمانبەرانی هاتوچۆ دەکات، لەماوەی ٧٢ کاتژمێردا، وێنەیەک لە کارتی دەنگدانی خۆیان و خێزان و ئەو منداڵانەیان بنێرن، کە دەتوانن بەشداری دەنگدان بکەن.
نووسراوەکە، ئاڕاستەی هەریەک لە بەشەکانی هاتوچۆی ڕۆژهەڵات، هاتوچۆی ڕۆژئاوا و هاتوچۆی قەزای ناوەند کراوە.