زێدپرێس
ئەنجوومەنی وەزیرانی هەرێمی کوردستان بۆ تاوتوێکردنی چەند پرسێک کۆدەبێتەوە، لەناویاندا خستنەڕوو و تاوتوێکردنی سەردانەکەی شاندی باڵای هەرێم بۆ بەغدا لەسەر بابەتی بودجە و مووچە.
ئەمڕۆ چوارشەم، ٢٠ی ئەیلوولی ٢٠٢٣، لە کۆبوونەوەى ئاساییی خۆیدا، ئەنجوومەنی وەزیرانی هەرێمی کوردستان، بە سەرپەرشتیی مەسرور بارزانی، سەرۆکوەزیرانی هەرێمی کوردستان و بە ئامادەییی قوباد تاڵەبانی، جێگرى سەرۆکوەزیران، کۆ دەبێتەوە و تێیدا چەند بڕگەیەک گفتوگۆ دەکرێن.
لە بڕگەی یەکەمی کۆبوونەوەکەدا، پوختەى سەردانی شاندی باڵاى حکوومەتی هەرێم بە سەرۆکایەتیی سەرۆکوەزیران بۆ بەغدا لە ڕۆژى ١٤ى ئەیلوولی ٢٠٢٣، بۆ بابەتی مووچە و بودجەى هەرێم و بڕیارى ئەنجوومەنی وەزیرانی عێراق لەو بارەوە.
لە بڕگەیەکی دیکەدا، وەزارەتی تەندروستی بابەتی نەخۆشییەکانی سکچوون و کۆلێرا و پێشنیاز و ڕێکارەکانی چارەسەر و خۆپارێزی و گرتنەبەری ڕێوشوێنی پێویست، لە لایەن دامەزراوە تەندروستی و وەزارەتە پەیوەندیدارەکان دەخاتەڕوو.