زێدپرێس
بەڕێوەبەرایەتی هاتوچۆی هەولێر، ڕایدەگەیەنێت، سبەی هەینی شەقامی بازنەیی ٦٠ مەتریی هەولێر بەڕووی شوفێران دادەخرێت.
بەڕێوەبەرایەتییەکە لە ڕاگەیەندراوێکدا، ئاماژەیدا، سبەی هەینی ٢٧ی تشرینی یەکەمی ٢٠٢٣، لە کاتژمێر ٧:٣٠ خوولەکی بەیانی تا کاتژمێر ١٢:٣٠ خوولەکی نیوەڕۆ، شەقامی بازنەیی ٦٠ مەتری، لە دیوی دەرەوەی شەقامەکە، بەڕووی شوفێران دادەخرێت، بەهۆی بەڕێوەچوونی ماراسۆنی نێودەوڵەتی هەولێر.
بەڕێوەبەرایەتی هاتوچۆی شارەکە، پێشنیاز بۆ شوفێران دەکات، لەماوەی چەند کاتژمێری داخستنەکە، دەتوانن شەقامە لاوەکییەکانی هاوڕێک لەگەڵ شەقامی ٦٠ مەتری وەکوو ڕێگای جێگرەوە بەکاربهێنن.