زێدپرێس
قایمقامیەتی سلێمانی، بەهۆی جگەرەکێشانەوە، سێ فڕنی سەمون لە شارەکە دادەخات، چونکە لە مەرج و ڕێنماییەکانی کارکردن لایانداوە.
قایمقامیەتی سلێمانی، ئەمڕۆ شەممە، ٢٨ی تشرینی یەکەمی ٢٠٢٣، ڕایگەیاند، بەهۆی پابەندنەبون بە مەرجەکانی تەندروستی و ڕێنماییەکانی دیکەی کارکردن لە شوێنەکانیاندا، لیژنە هاوبەشەکانی قایمقامیەت فڕنەکانی (ڕەهێڵ، ڕاپەڕین و بەفرین)یان داخست.
ڕاپۆرتی لێژنەکان ئاماژەیان بۆ ئەوە کردووە؛ لەکاتی سەردانی لێژنەکان دەرکەوتووە لە شوێنی هەویرشێلان و ئامادەکردنی سەمونەکان جگەرە کێشراوە، لەگەڵ نەبوون و بەسەرچوونی مۆڵەتی پیشەیی و تەندروستی.
بەگوێرەی ڕاگەیەندراوی قایمقامیەت، “بە فەرمانی قایمقامی سلێمانی هەرسێ فڕنی (ڕەهێڵ، ڕاپەڕین و بەفرین) دادەخرێن و خاوەنەکانیشیان ڕووبەڕووی ڕێکاری یاسایی دەکرێنەوە”.