وەزارەتی پەروەردەی حکوومەتی هەرێمی کوردستان پێنج نمرەی بڕیار بە سەرجەم قوتابییانی پۆلی ١٢ی ئامادەیی دەبەخشێت.
بەگوێرەی نووسراوێکی وەزارەتی پەروەردە، کە واژووی د. ئالان حەمەسەعید وەزیری پەروەردەی بەسەرەوەیە و ئەمڕۆ ٢٠ی شوباتی ٢٠٢٤ دەرکراوە، تیایدا هاتووە: “لەبەر بەرژەوەندی گشتی و ڕەچاوکردنی دۆخی قوتابییان و خوێندکارانی پۆلی ١٢ی ئامادەی” بڕیارداوە بە: “پێدانی پێنج نمرەی بڕیار بۆ قوتابییان و خوێندکارانی پۆلی ١٢ی ئامادەیی بە هەموو بەشەکانییەوە و بەمەبەستی وەرگرتنی مافی بەشداربوون لە تاقیکردنەوە گشتییەکانی پۆلی ١٢ی ئامادەیی”.