سبەی دووشەم دەست دەکرێت بە دابەشکردنی مووچەی خانەنشینی کرێکارانی ناوخۆی هەرێمی کوردستان لە سلێمانی.
ئەمڕۆ یەکشەم، ١٧ی ئازاری ٢٠٢٤، بەڕێوەبەرایەتیی گشتیی کار و دەستەبەری کۆمەڵایەتی سەربە وەزارەتی کار و کاروباری کۆمەڵایەتی حکوومەتی هەرێم لە ڕاگەیەندراوێکدا، کرێکارانی خانەنشینی ناوخۆی هەرێم لە سنوری سلێمانی ئاگادار کردەوە، کە سبەی دووشەم، ١٨ی ئازاری ٢٠٢٤، دەست بە دابەشکردنی مووچەکانیان دەکرێت.
بەڕێوەبەرایەتییەکە، داوا لە کرێکارانی خانەنشینکراو دەکات، بۆ ئەو مەبەستە دەتوانن سەردانی بانکی مەڵکەندی بکەن بۆ وەرگرتنی هەردوو مووچەی مانگەکانی کانوونی دووەم و شوباتی ٢٠٢٤.