زێدپرێس
دەقی ڕاگەیەنراوەکە:
بەیاننامەی هێزەکانی هاوپەیمانی نێودەوڵەتی لەبارەی کۆبوونەوەی تیمی هەماهەنگیی پێشمەرگە
بە ئامادەبوونی هێزەکانی هاوپەیمانی نێودەوڵەتی، کۆبوونەوەی دەوری وەزارەتی پێشمەرگە، لەبارەی پێشکەوتن و بەهێزبوونی وەزارەتی پێشمەرگە وەک لە خاڵەکانی یاداشتنامەی لێکتێگەیشتنی ساڵی ٢٠٢٢ی نێوان وەزارەتی بەرگری ئەمریکا و وەزارەتی پێشمەرگە هاتووە بەڕێوەچوو.
هێزەکانی هاوپەیمانی نێودەوڵەتی دانی بەو پێشکەوتنە بەرچاوانە داناوە، کە لەلایەن بەرپرسانی وەزارەتی پێشمەرگە بەدەستهاتووە، بۆ باشتر کردنی فەرماندەیی و کۆنتڕۆڵ و شەفافیەتی دارایی، لەگەڵ ئەوەشدا ئامانجی بنچینەیی یەکخستنی هێزەکانی پێشمەرگە لەژێر چەتری وەزارەتی پێشمەرگەدا، بەهۆی بارودۆخی سیاسی نێوان پارتی دیموکراتی کوردستان و یەکێتی نیشتیمانی کوردستان بە هێواشی بەڕێوە دەچێت لە ئێستادا.
هاوپەیمانان چاوەڕوانن، کە هەرێمی کوردستانی عێراق ویستی سیاسی نیشان بدات بۆ جێبەجێکردنی چاکسازییەکان، پێش پێداچوونەوە و هەڵسەنگاندنی ساڵانە، کە لەمانگی ئەیلوولی ئەمساڵدا دەکرێت، بەتایبەت لە دانانی وەزیرێکی کاتی بۆ وەزارەتی پێشمەرگە.
هێزەکانی هاوپەیمانی نێودەوڵەتی بەردەوام دەبن لە راوێژکردن و یارمەتیدان و بەهێزکردنی پرۆسەی چاکسازی لە وەزارەتی پێشمەرگە، بۆ دڵنیا بوون لە شکست پێهێنانی تەواوەتی داعش.