زێدپرێس
ئەمڕۆ شەمە ٥ی ئابی ٢٠٢٣، وەزارەتی تەندروستی حکوومەتی هەرێمی کوردستان، ئاگەدارییەکی بۆ هاووڵاتیان بڵاوکردەوە و ڕای گەیاند، بەکارھێنانی جپسی نایتروجینی بە بەکارھێنانی گاز و شلەی نایترۆجین و بوونی دووکەڵێکی سارد لەناودەم لەکاتی خواردنی بەتایبەتی لەلایەن منداڵان قەدەغەکراوە و ڕێگەپێدراو نییە.
وەزارەتی تەندروستی هۆشداری دەدات، کە ئەو جۆرە جپسە، مەترسی بۆ سەر تەندروستی مرۆڤ هەیە و نابێت هیچ مارکێتێک یان ساردەمەنییەک بەکاری بهێنێت. بەپێچەوانەوە ڕێکاری یاسایی بەرانبەر خاوەنی هەرشوێنێک دەگیرێتە بەر.
داواش لە هاووڵاتیان دەکات، لەکاتی تێبینی کردنی ئەم گازە لە جپس و خواردنی منداڵان، دەتوانن پەیوەندی بە هێڵە گەرمەکانی تیمەکانی چاودێری بازاڕ بکەن.
