زێدپرێس
وەزارەتی ئاوەدانکردنەوە و نیشتەجێکردن لە حکوومەتی هەرێمی کوردستان، پڕۆسەی دابەشکردنی فۆڕمی یەکەی نیشتەجێبوون بۆ ھاووڵاتیانی کەمدەرامەت ڕادەگەیەنێت.
ئەمڕۆ دووشەم ٧ی ئابی ٢٠٢٣، وەزارەتی ئاوەدانکردنەوە و نیشتەجێکردن لە حکوومەتی هەرێمی کوردستان ڕای گەیاند، سبەی سێشەم ٨ی ئاب، دانا عەبدولکەریم وەزیری ئاوەدانکردنەوە و نیشتەجێکردن، لە ڕێوڕەسمێکدا پڕۆسەی دابەشکردنی فۆڕمی یەکەی نیشتەجێبون و کاراکردنی فۆڕمەکە بەشێوەی ئۆنلاین و وردەکاری پڕۆسەکە، بۆ ھاووڵاتیانی کەمدەرامەت ڕادەگەیەنێت.
بەپێی ڕاگەیەنراوەکە، ڕێوڕەسمەکە، لە دیوانی وەزارەتی ئاوەدانکردنەوە و نیشتەجێکردن، لە کاتژمێر ١٢:٠٠ی نیوەڕۆ بەڕێوەدەچێت.