زێدپرێس
ئەمڕۆ سێشەم ٨ی ئابی ٢٠٢٣، وەزارەتى خوێندنى باڵا و توێژینەوەى زانستى حکوومەتى هەرێمى کوردستان بڵاوی کردەوە، لەبەر ڕۆشنایى یاساى زانکۆ تایبەتەکان کە لە پەرلەمانى کوردستان پەسەندکراوە، مۆڵەتى کردنەوەى زانکۆ و پەیمانگەى تایبەت لە شارەکانى هەرێمى کوردستان دراوە.
بەپێی وەزارەتی خوێندنی باڵا و توێژینەوەی زانستی، لە سەرتاسەری هەرێمی کوردستاندا، ١٧ زانکۆی تایبەت هەن؛ هەشت زانکۆ لە هەولێر، حەوت زانکۆ لە سلێمانی و دوو زانکۆی تایبەت لە دهۆک.
لەپاڵ هەبوونی ١٢ پەیمانگای تایبەت؛ شەش پەیمانگا لە هەولێر، سێ پەیمانگا لە سلێمانی و سێ پەیمانگای تایبەتیش لە دهۆک مۆڵەتیان هەیە.
وەزارەتى خوێندنى باڵا و توێژینەوەى زانستى ڕایدەگەیەنێت، جگە لەم زانکۆ و پەیمانگە تایبەتانەى لە خوارەوە ناویان هاتووە و پابەندى مەرج و ڕێنماییەکانى وەزارەتن، هیچ زانکۆ و پەیمانگە و کۆلێژە زانکۆییەکى دی، لەلایەن وەزارەتى خوێندنى باڵا و توێژینەوەى زانستى حکوومەتى هەرێمى کوردستان مۆڵەتى پێنەدراوە و باوەڕپێکراو نییە.
لیستی ناوی سەرجەم زانکۆ و پەیمانگا مۆڵەتپێدراوەکان لە کوردستاندا
زانکۆ تایبەتەکانى سنورى هەولێر:
- زانکۆى نێودەوڵەتى تیشک
- زانکۆى جیهان – هەولێر
- زانکۆى لوبنانى فەرەنسى
- زانکۆى نۆلج
- زانکۆى بەیان
- زانکۆى ئەربیلى نێودەوڵەتى
- زانکۆى کاسۆلیک
- کۆلێژى قەڵاى زانکۆیى بۆ دیراساتى ئایینى
زانکۆ تایبەتەکانى سنورى سلێمانى:
- زانکۆى ئەمریکى لە عێراق/ سلێمانى
- زانکۆى کۆمار بۆ زانست و تەکنەلۆجیا
- زانکۆى گەشەپێدانى مرۆیى
- زانکۆى جیهان – سلێمانى
- زانکۆى نێودەوڵەتى تیشک/ لقى سلێمانى
- زانکۆى قەیوانی نێودەوڵەتی
- کۆلێژى گۆیژەى زانکۆیى بۆ دیراساتى ئایینى
زانکۆ تایبەتەکانى سنورى دهۆک:
- زانکۆى جیهان – دهۆک
- زانکۆى نەورۆز
پەیمانگە تایبەتەکانى سنورى هەولێر:
- پەیمانگەى تەکنیکى تایبەتى رواندز
- پەیمانگەى نۆبڵى تایبەت
- پەیمانگەى تەکنیکى پایتەخت
- پەیمانگەى تەکنیکى تایبەتى ئایندە
- پەیمانگەى تەکنیکى هەیبەت سوڵتان
- پەیمانگەى تەکنیکى گەشەى تایبەت
پەیمانگە تایبەتەکانى سنورى سلێمانى:
- پەیمانگەى تەکنیکى کوردستان
- پەیمانگەى تەکنیکى تایبەت لە کەلار
- پەیمانگەى تەکنیکى ناشناڵ بۆ تەکنەلۆجیا
پەیمانگە تایبەتەکانى سنورى دهۆک:
- پەیمانگەى تەکنیکى دهۆکى تایبەت
- پەیمانگەى تەکنیکى ئاراراتى تایبەت
- پەیمانگەى تەکنیکى تایبەتى رواندز لقى زاخۆ