زێدپرێس
سەرچاوەیەکی ئاگادار لە شارەدێی ڕزگاری بۆ زێدپرێس ڕایگەیاند، شەوی ڕابردوو ٢٦/٢٧ی ئەیلوولی ٢٠٢٣، بە یەکجار ٥٨ سەرە مەنهۆڵ لە شارەدێی ڕزگاری سەر بە شارۆچکەی کەلاری سنوری کارگێڕی سەربەخۆی گەرمیان دزراوە.
ڕوونیکردەوە، لایەنە پەیوەندیدارەکان لە پۆلیس و ئاسایشی سنورەکە ئاگادارکراونەتەوە و تا ئێستا تۆمەتباران ئاشکرا نین، بەڵام لێکۆڵینەوە و بەدواداچوون بەردەوامە.
دزییەکە، لە شەقامی بەردەم بەڕێوەبەرایەتی شارەدێی ڕزگاری تاوەکوو ناوچەی پیشەسازی کراوە و تێکڕای سەرە مەنهۆڵەکانی ئەو شەقامە دزراون.
دزینی سەرە مەنهۆڵ حاڵەتێکی باوە و پێدەچێت دزەکان وەک ئاسن بیفرۆشنەوە، لەکاتێکدا کێشێکی قورسی هەیە.
لە ١٨ی ئابی ئەمساڵ، پۆلیسی دەربەندیخان دەستگیرکردنی ٥ تۆمەتباری ڕاگەیاند، کە کە ٤٢ سەرە مەنهۆڵیان لە سنوری شارۆچکەی دەربەندیخان دزی بوو، جگە لە ماتۆڕی ئاو و مۆلیدەی کارەبایی.
دزەکان دووانیان عەرەب و سیانیان کورد بوون.