زێدپرێس
بەگوێرەی فەرمانێکی کارگێری سەرۆکایەتی دادگای تێهەڵچوونەوەی ناوچەی هەولێر، شوێنی کارکردنی ١١ دادوەر لە هەولێر دەگۆڕدرێت و دادوەرەکان بۆ شوێنی دیکە دەگوازرێنەوە.
فەرمانە کارگێڕییەکە، بە نووسراوی ژمارە ٢/١/١٠٨٠ لە ڕێککەوتی ١٨ی تشرینی یەکەمی ٢٠٢٣ و بە واژۆی فاخر سابیر بایز سەرۆکی دادگای تێهەڵچوونەوەی ناوچەی هەولێر دەرکراوە.
لەناوەڕۆکی نووسراوەکەدا هاتووە، فەرمانەکە “لەبەر بەرژەوەندی گشتی” دەرکراوە و لە ڕۆژی دەرکردنیشیەوە جێبەجێ دەکرێت.