زێدپرێس
فڕۆکە جەنگییەکانی ئیسڕائیل فڕۆکەخانەی نێودەوڵەتیی دیمەشق لە سووریا بۆردمان دەکەن و بەهۆیەوە گەشتی فڕۆکەخانەکە ڕادەگیرێت.
ئێوارەی ئەمڕۆ یەکشەم، ٢٦ی تشرینی دووەمی ٢٠٢٣، سەرچاوەکانی هەواڵی سووریا بڵاویان کردەوە، کە فڕۆکەخانەی نێودەوڵەتیی دیمەش لەلایەن فڕۆکە جەنگییەکانی ئیسڕائیلەوە بۆردمانکراوە و بە هۆیەوە گەشتەکانی فڕۆکەخانەکە وەستاون.
لە ١٢ی تشرینی یەکەمی ٢٠٢٣یشدا، ئیسڕائیل هەردوو فڕۆکەخانەی نێودەوڵەتیی دیمەشق و حەلەبی لە سووریا بۆردمان کرد.
ئەوکات، بەرپرسانی سووریا، بۆردمانکردنی فڕۆکەخانەکانی سوریا لەلایەن ئیسرائیلەوە، وەک هەوڵێکی ئیسڕائیل لێکدایەوە بۆ لابردنی سەرنجی جیهان لە شەڕی ئیسرائیل و چەکدارانی حەماس لە کەرتی غەززەدا.
ئیسرائیل چەند جارێکی دی هێرشی کردووەتە سەر فڕۆکەخانەکان و “ئامانجەکانی پێوەست بە ئێران” لە سووریا.