زێدپرێس
بەگوێرەی نووسراوێکی دەستەی ڕاگەیاندن و پەیوەندییەکانی عێراق، کە لە ٢١ی کانوونی یەکەمی ٢٠٢٣ دەرکراوە و واژۆی عەلی حوسێن سەرۆکی دەزگای جێبەجێکردنی دەستەکەی بەسەرەوەیە و ئاڕاستەی سەرجەم دەزگاکانی ڕاگەیاندن کراوە، تیایدا جەخت لەسەر قەدەغەکردنی ناوی دەوڵەتی “ئیسرائیل” کراوەتەوە و لە جێگەیدا داوا کراوە کە “قەوارەی زایۆنی” بەکاربهێنرێت.
نووسراوەکەی دەستەی ڕاگەیاندن و پەیوەندییەکانی عێراق، وەک پەرچەکردارێکە بەرانبەر بە هێرشەکانی ئیسڕائیل بۆ سەر کەرتی غەززە و پاڵپشت بە ناوەڕۆکی یاسای تاوانبارکردنی پەیوەندی لەگەڵ “قەوارەی زایۆنی” ژمارە ١ی ساڵی ٢٠٢٢ دەرکراوە.
نووسراوەکە داوا دەکات وەک بەرپرسیارێتییەکی مرۆیی و ئەرکێکی ئایینیی و ئەخلاقی، وشەی “ئیسرائیل” لە دەزگاکانی ڕاگەیاندن بەکارنەهێنرێت و لەبریتی ئەو ناوە، دەستەواژەی “قەوارەی زایۆنی” بەکاربهێنن.