ڕۆژی ٢٠ی کانوونی دووەمی ٢٠٢٤، پەرلەمانی یەمەن کۆبوویەوە و ڕاگەیەندراوێکی لەسەر ماڵپەڕی فەرمی خۆی بڵاوکردەوە. لە ڕاگەیەندراوەکەدا هاتووە، کە پەرلەمان پشتگیری خۆی بۆ گوتارەکەی ڕێبەری شۆڕش عەبدولمەلیک بەدرەدین حووسی سەبارەت بە ڕووبەڕووبوونەوە نوێکردووەتەوە.
هەر لە ڕاگەیەندراوەکەدا، پەرلەمان سەرۆکۆنەی هێرشە بەردەوامەکانی ئەمریکا بۆ سەر یەمەن و گەلانی عەرەب و ئیسلام، لەناویاندا فەڵەستین دەکات. پەرلەمانی یەمەن هەڵوێستی ئەمریکا بەرانبەر حووسییەکان و خستنە لیستی تیرۆر، بەتوندی سەرۆکۆنە دەکات و ئەوەش بە دژایەتیکردنی “پێکهاتەیەکی ڕەسەنی یەمەن” ناودەبات.
هەر لە ڕاگەیەندراوەکەدا، پەرلەمانی یەمەن بڕیارەکانی ئەمریکا بۆ خستنە لیستی تیرۆری نەیارەکانی، بە “گاڵتەجاڕانە” لەقەڵەم دەدات و دەڵێ: “ئەمریکا خۆی سەری خراپەکاری و تیرۆرە لە جیهاندا”.
لەو چوارچێوەیەدا جەختی لەوە کردووەوە کە “قەوارەی داگیرکەری ئیسڕائیل و ڕژێمەکانی ئەمریکا-بەریتانیا لەسەرووی لیستی تیرۆر لە جیهاندا دانراون”، لە ڕاگەیەندراوەکەدا وا دەڵێ.