بارەگای بارزانی، ڕاگەیەندراوێکی بەبۆنەی کۆچی دوایی “زەکیا خان” بڵاوکردەوە و بەپێی ڕاگەیەندراوەکە، لە سبەی شەممە ٢٤ی شوباتەوە بۆ ماوەی سێ ڕۆژ، پرسەکەی لە هۆڵی تەشریفاتی بارەگای بارزانی لە شارۆچکەی سەلاحەددین (پیرمام) بەڕێوەدەچێت.
دەقی ڕاگەیەندراوەکە:
ڕاگەیێندراوێك لە بارەگای بارزانی
بەناوی خودای بەخشندە و میهرەبان
دوای كۆچی دوایی خوشکی جەنابی سەرۆک بارزانی خوالێخۆشبوو (زەکیا مستەفا بارزانی) بە جەماوەری خۆشەویستی كوردستان و گشت لایەك ڕادەگەیێنین كە پرسەی خوالێخۆشبوو (زەکیا مستەفا بارزانی) لە ڕۆژی شەممە 24ی شوباتی 2024ـەوە بۆ ماوەی سێ ڕۆژ لە هۆڵی تەشریفاتی بارەگای بارزانی لە شارۆچكەی سەلاحەدین بەڕێوە دەچێت لەم كاتانەدا:
بەیانیان: كاتژمێر 10هەتا 12ـی پێشنیوەڕۆ
ئێواران: كاتژمێر 2 هەتا5ـی پاشنیوەڕۆ
انا للە و انا الیە راجعون
بارەگای بارزانی
٢٣ی شوباتی ٢٠٢٤