لەماوەی ساڵی ڕابردوودا، وەزارەتی داد زیاتر لە ١٤٨ ملیار دینار داهات و ٧٠ ملیار دینار خەرجی هەبووە. بەروارد بە ساڵی پێشتر، داهاتەکەی کەمی کردووە، بەڵام خەرجییەکانی بەرزبوونەتەوە.
وەزارەتی دادی حکوومەتی هەرێمی کوردستان ڕاپۆرتێکی لەمەڕ کار و چالاکی و داهات و خەرجییەکانی لەماوەی ساڵی ٢٠٢٣دا بڵاوکردەوە. وەزارەتەکە، بڵاوکردنەوەی ڕاپۆرتەکە بە پێڕۆییکردن لە “بنەمای شەفافیەت لە کارکردندا” پێناسە دەکات.
لە خوارەوە، پوختەیەک لە کار و چالاکی، داهات و خەرجییەکانی وەزارەتی داد خراونەتەڕوو:
- خەرجی وەزارەتی داد لە ساڵی 2023دا بریتییە لە (70,384,346,529 )، بەراورد بە ساڵی ڕابردوو بە رێژەی ( 3.7%) زیادیکردووە.
- داهاتی وەزارەت لە ساڵی 2023دا بریتییە لە (148،765،915،591)، بەراورد بە ساڵی ڕابردوو بە ڕێژەی (5%) کەمیکردووە.
- داهاتی وەزارەت بەڕێژەی (111%) زیاترە لە خەرجییەکانی.
- لەم ساڵەدا (15) فەرمانگە و یەکەی کارگێڕی نوێ کراوەتەوە؛ شەش یەکەی کارگێڕی، هەشت هۆبە و یەک فەرمانگەی دادنووسی.
- سەنتەری توێژینەوەی یاسایی (3) ژمارەی لە گۆڤاری گرێبەستی کۆمەڵایەتی دەرکردووە، لەگەڵ چاپکردنی (17) کتێبی یاسایی و ئەنجامدانی یەک کۆنفرانسی زانستی بە شێوەی ئۆنلاین.
- ژمارەی فەرمانبەرانی وەزارەت بریتییە لە (4670) فەرمانبەر، بەراورد بە ساڵی ڕابردوو (136) فەرمانبەر زیادیکردووە، کە بەڕێژەی سەدی دەکاتە (3%).
- لە ساڵی 2023دا، (203) فەرمانبەر بەشداری خولیان کردووە، بەراورد بە ساڵی ڕابردوو بەڕێژەی (42%) زیادیکردووە.
- لە ساڵی 2023دا (18) ژمارە لە ڕۆژنامەی وەقایعی کوردستان بڵاوکراونەتەوە. بەراورد بە ساڵی ڕابردوو بەڕێژەی (10%) کەمیکردووە، و فرۆشتنی ڕۆژنامە بەڕێژەی (10.4%) زیادیکردووە.
- کۆی گشتی کارە ئەنجامدراوەکانی ئەنجوومەنی شوورای هەرێم، بریتییە لە (655) جۆر کار و چالاکی، بەراورد بە ساڵی ڕابردوو بە رێژەی (11%) کەمیکردووە.
- دەستە و لێژنەکانی مافی گشتی لە داواکاری گشتی، لە پێناو پاراستنی مافی گشتی لە هەرێم، (777) سکاڵای گشتیان بەرزکردوەتەوە.
- لە ساڵی 2023دا، بە ژمارە (505) دۆسیەی تاوان وردبینیکراوە لەلایەن دەستەی تاوانەکان لە سەرۆکایەتی داواکاری گشتی، بەراورد بە ساڵی ڕابردوو بە رێژەی (18.5%) کەمیکردووە.
- لە ساڵی 2023دا (568) دۆسیەی تاوان وردبینیکراوە لەلایەن دەستەی نەوجەوانان لە سەرۆکایەتی داواکاری گشتی، بەراورد بە ساڵی ڕابردوو بە رێژەی (58.6%) زیادیکردووە.
- سەرپەرشتیارانی دادی (243) سەردانیان بۆ فەرمانگەکانی وەزارەت ئەنجامداوە، بەراورد بە ساڵی ڕابردوو بەرێژەی (22%) کەمیکردووە.
- لەم ساڵەدا (3) خولی یاسایی لە پەیمانگەی دادوەری کراوەتەوە و (81) فەرمانبەری یاسایی بەشداریانکردووە تیایدا.
- لەم ساڵەدا (63421) مامەڵەی کڕین و فرۆشتن (خانوو و زەوی) لەسەر ئاستی هەرێم ئەنجامدراوە، بەوپێیەش بەراورد بە ساڵی ڕابردوو بەڕێژەی (5%) کەمیکردووە. هەروەها گۆڕانکارییەکانی کڕین و فرۆشتنی موڵک لەسەر ئاستی پارێزگاکان لە ساڵی 2023دا بەراورد بە ساڵی 2022 بەم شێوەیەیە:
- هەولێر: نزیکەی بەڕێژەی 2% کەمیکردووە.
- سلێمانی: نزیکەی بەڕێژەی 8% کەمیکردووە.
- دهۆک: نزیکەی بەڕێژەی 8% کەمیکردووە.
- هەڵەبجە: نزیکەی بەڕێژەی 17% زیادیکردووە.
- 16. مامەڵە ڕەفتارییەکان (التصرف علی الملک) کە گرنگترین کاری بەرێوەبەرایەتییەکانی تۆمارکردنی خانووبەرەیە، لە ساڵی 2023دا (125848) مامەڵە ئەنجامدراوە، بەوپێیەش بەڕێژەی (8%) لەسەر ئاستی هەرێم بەراورد بە ساڵی ڕابردوو زیادیکردووە.
- 17. زیاتر لە (17.732) کارتی زەوی کراوە بە سەنەدی تاپۆ (وێنەی تۆماری هەمیشەیی) لەسەر ئاستی هەرێم.
- 18. فەرمانگەکانی دادنووسی لەسەر ئاستی هەرێم (1,189,123) مامەڵەیان ئەنجامداوە، بەوپێیەش کارەکانیان بەراورد بە ساڵی ڕابردوو بەڕێژەی (5%) زیادیکردووە.
- 19. لەسەرەتاوە تاوەکو ئێستا (69) فەرمانگەی دادنووسی لەسەر ئاستی هەرێم کراون بە ئەلیکترۆنی.
- 20. بەڕێوەبەرایەتییەکانی جێبەجێکردن لەسەر ئاستی هەرێم (60.398) کار و چالاکیان ئەنجامداوە، بەوپێیەش کارەکانیان بەراورد بە ساڵی ڕابردوو بەڕێژەی (0.6%) کەمیکردووە.
- 21. بەڕێوەبەرایەتییەکانی چاودێری ناکامەکان لەسەر ئاستی هەرێم (38.545) کار و چالاکیان ئەنجامداوە، بەوپێیەش کارەکانیان بەراورد بە ساڵی ڕابردوو بەڕێژەی (10%) کەمیکردووە.