بەهۆی لێدانی بروسک لە تاوەری ئینتەرنێتی بەڕێوەبەرایەتی هاتوچۆی هەولێر، ڕاییکردنی مامەڵەی هاووڵاتییان ڕاگیرا.
بەڕێوەبەرایەتی هاتوچۆی هەولێر، ڕایگەیاند، کاتژمێر ١٠:٣٠ خوولەکی بەیانی ئەمڕۆ دووشەم، ٦ی ئایاری ٢٠٢٤، بروسکەیەکی بەهێز لە تاوەری هێڵی ئینتەرنیتی بەڕێوەبەڕایەتی هاتوچۆی هەولێری دا و به هۆیەوە ڕاییکردنی مامەڵەی هاووڵاتییان وەستا.
بەڕێوەبەرایەتییەکە داوا لە هاووڵاتییان دەکات، سەردانیان نەکەن تا ئەو کاتەی سیستەم و هێڵی ئینتەرنێت بەگەڕدەخرێتەوە.
بەگوێرەی ڕاگەیەندراوی هاتوچۆی هەولێر، بەهۆی هەورەبروسکەکەوە، هاووڵاتییەک لەناو بەڕێوەبەرایەتییەکە لەهۆشچووە، بەڵام تەندروستی جێگیرە و دواتر بەهۆش خۆی هاتووەتەوە.
