زێدپرێس
هێزەکانی ئەمریکا هێرشیان کردە سەر بنکەیەکی گرووپەکانی سەر بە ئێران لە سووریا و وەزیری بەرگری وڵاتەکەیش دەڵێ، هێرشەکە بە فەرمانی ڕاستەوخۆی سەرۆکی ئەمریکا بووە.
لوید ئۆستن، وەزیری بەرگری ئەمریکا لە ڕاگەیەندراوێکدا ئاماژەیدا، هێزەکانی ئەمریکا لە ڕێگەی دوو فڕۆکەی F15 هێرشیان کردووەتە سەر بنکەیەکی گرووپە چەکدارەکانی سەر بە ئێران لە سووریا.
بەگوتەی ئەو، هێرشەکە وەڵامدانەوەیەک بووە بۆ ئەو هێرشانەی لەلایەن گرووپە چەکدارەکانی سەر بە ئێرانەوە بۆ سەر هێزەکانی ئەمریکا لە عێراق و سووریا ئەنجامدراون.
وەزیری بەرگری ئەمریکا، ڕوونیکردووەتەوە، کە هێرشەکە بە فەرمانی ڕاستەوخۆی جۆبایدن، سەرۆکی ئەمریکا ئەنجامداوە و زیاتر دەڵێ “ئەمریکا، پارێزگاری لە خۆی و هێزەکانی و بەرژەوەندییەکانی دەکات. ئەمریکا ئامادەیە بۆ لەبەرگرتنی هەر هەنگاوێکی دیکە بۆ پارێزگاری لە بنکە و هێزەکانی”.
