زێدپرێس
ئێوارەی ئەمڕۆ یەکشەم، ٢٦ی تشرینی دووەمی ٢٠٢٣، بەڕێوەبەرایەتی پۆلیسی ڕاپەڕین ڕایگەیاند، پاش سکاڵای هاووڵاتییەک لە بەشی پۆلیسی نەهێشتنی تاوان کە بە گوتەی خۆی بڕی سێ هەزار دۆلاری ئەمریکی و ١٥٣ هەزار دیناری عیراقی لێ دزراوە، دەستیان بە کۆکردنەوەی زانیاری کردووە و لەماوەیەکی کەمدا دوو تۆمەتباریان بەناوەکانی (م. ع. ق) و (ا. ع. ق) دەستگیرکردووە.
لە ڕاگەیەندراوی پۆلیسدا هاتووە، کە تۆمەتباران لە لێکۆڵینەوەکاندا ددانیان بە ئەنجامدانی تاوانەکەیاندا ناوە و لەگەڵ دەستگیرکردنیشیاندا دەست بەسەر بڕی هەزار و ٨٠٠ دۆلاری ئەمریکی و ١٠٠ هەزار دیناری عێراقیدا گیراوە.
پۆلیسی ڕاپەڕین ئاماژەی بەوەش کردووە، کە لە چالاکییەکی دیکەدا بەشی پۆلیسی نەهێشتنی تاوانی ڕاپەڕین توانیویانە کەسێک دەستگیر بکەن، کە پارەی ساختەکراوی ساخکردووەتەوە.
تۆمەتبارەکە بەناوی (پ. ش)، بە بڕیاری دادوەری دادگای لێکۆڵینەوە و بەپێی ماددەی ٢٨١ لە یاسای سزادانی عێراقی ڕاگیراوە.
