نووسینگەی ڕاگەیاندنی سەرۆکوەزیرانی عێراق بڵاویکردەوە، ئەمڕۆ شەممە، ٦ی نیسانی ٢٠٢٤، محەمەد شیاع سوودانی سەرۆکوەزیرانی عێراق پێشوازی لە نێچیرڤان بارزانی سەرۆکی هەرێمی کوردستان و شاندی یاوەری کردووە.
بەگوێرەی ڕاگەیەندراوەکە، له كۆبوونه‌وه‌كه‌دا تێڕوانینی هاوبه‌ش بۆ ته‌واوی پرس و بابه‌ته نیشتمانییه‌كان و جێبه‌جێكردنی كارنامه‌ی حكوومه‌ت له هه‌موو بواره‌كاندا خرایه به‌ر باس.
نووسینگەی ڕاگەیاندنی سوودانی، ئاماژەی بەوە کردووە، کە سەرۆکوەزیرانی عێراق جەختی لەسەر پەرۆشی حکوومەت بۆ پێشکەشکردنی خزمەتگوزاری و بەدیهێنانی خواستەکانی هاووڵاتییان لە بەشە جیاجیاکانی عێراق کردووەتەوە.
لە بەشێکی دیکەی ڕاگەیەندراوەکەدا هاتووە، کە لە کۆبوونەوەکەدا داکۆکی له گرنگیی پشتگیریی ته‌واوی هێز و لایه‌نه سیاسییه‌كانی عێراق له هه‌نگاوه‌كانی چاكسازیی حكوومه‌تی عێراق كرایه‌وه به‌مه‌به‌ستی به‌ره‌وپێشبردنی گه‌شه‌پێدانی ته‌واو له وڵات و تێپه‌ڕاندنی كێشه و به‌ربه‌سته‌کانی به‌رده‌می له بواری كارگیڕی و جێبه‌جێكاریدا.
