سەرۆکی حکوومەتی هەرێمی کوردستان بڕیاری دا سەرجەم مامۆستایانی وانەبێژ لەقوتابخانە ئایینییەکان بکرێنە گرێبەست.
ئەمڕۆ پێنجشەم ٣ی ئەیلوولی ٢٠٢٤، مەسرور بارزانی سەرۆکی حکوومەتی هەرێمی کوردستان، بڕیاریدا سەرجەم مامۆستایانی وانەبێژ لە قوتابخانە ئایینییەکان بکاتە گرێبەست.
وەزارەتی ئەوقاف و کاروباری ئایینی حکوومەتی هەرێمی کوردستان ڕایگەیاند، ئەو مامۆستایانە ماوەیەکی زۆرە بەشێوەی وانەبێژ لە قوتابخانە ئایینییەکان وانە دەڵێنەوە و “خزمەتێکی زۆریان بە خوێندن ئایینی کردووە لەماوەی ڕابردوو، لە پای ئەو خزمەت و ماندووبوونەیش بەڕێز مەسرور بارزانی لەچوارچێوەی کارەکانی کابینەی نۆیەمی حکوومەتی هەرێمی کوردستان و خزمەتکردنی تەواوی چین و توێژەکانی کوردستان بڕیاریدا تەواوی مامۆستایانی وانەبێژ لەقوتابخانە ئایینییەکان بکرێنە گرێبەست”.
