نێچیرڤان بارزانی: پێشوازی لە ڕاگەیاندنی ئاگربەستی نێوان ئێران و ئیسرائیل دەکەم

نێچیرڤان بارزانی سەرۆکی هەرێمی کوردستان، لە پەیامێکدا ڕایگەیاند، “پێشوازی لە ڕاگەیاندنەکەی سەرۆک دۆناڵد ترەمپ بۆ ئاگربەست لە نێوان ئێران و ئیسرائیل دەکەم”.

سەرۆکی هەرێمی کوردستان ئاماژەیدا: “باوەڕێکی پتەوم بەوە هەیە کە سەقامگیری، ئاسایش و گەشە لە ڕۆژهەڵاتی ناوەڕاستدا، تەنیا لە ڕێگەی گفتوگۆی بەرهەمدار و گشتگیرەوە بەدەست دێت و بە لێکتێگەیشتن لەنێوان سەرجەم لایەنەکان جێگیر دەبێت”.

لە کۆتایی پەیامەکەشیدا سوپاسی “ترەمپ و سەرکردەکانی تر” دەکات “بۆ کاری دیپلۆماسی و چارەسەری ئاشتییانەی تەنگژەکان لەو کاتە هەستیارەی ئێستادا.”