ئەمڕۆ سێشەم، ٢٢ی تەممووزی ٢٠٢٥، بەشی گەنجینەی فیدڕاڵی لە داهاتی نانەوتی هەرێمی کوردستان، خرایە سەر هەژماری بانکی وەزارەتی دارایی فیدڕاڵ.
وەزارەتی دارایی و ئابووری هەرێمی کوردستان ڕایگەیاند، بەشی گەنجینەی فیدڕاڵی لە داهاتی نانەوتی هەرێمی کوردستان بۆ مانگی ئایاری ساڵی ٢٠٢٥، کە بڕەکەی ١٢٠ ملیار دینارە، بەشێوەی کاش خرایە سەر هەژماری بانکی وەزارەتی دارایی حکوومەتی فیدڕاڵ، لە ڕێگەی لقی هەولێری بانکی ناوەندی عێراقەوە.
