هه‌واڵ

وەرگرتنەوەی قەرزەکانی پێشینەی هاوسەرگیری و خانووبەرە ڕاگیران

زێدپرێس

بەگوێرەی میدیای نزیک لە پارتی دیموکراتی کوردستان، سەرۆکوەزیرانی هەرێم بڕیاری ڕاگرتنی وەرگرتنەوەی قەرزەکانی پێشینەی هاوسەرگیری و خانووبەرەی داوە.

میدیاکانی نزیک لە پارتی دیموکراتی کوردستان، ئەمڕۆ دووشەم ٢١ی ئابی ٢٠٢٣ بڵاویان کردووەتەوە، مەسرور بارزانی سەرۆکوەزیرانی هەرێمی کوردستان بڕیاری ڕاگرتنی وەرگرتنەوەی قەرزەکانی پێشینەی هاوسەرگیری و خانووبەرەی لە هەرێمی کوردستان داوە.

ماوەی ڕابردوو، حکوومەتی هەرێم بڕیاری لەسەر وەرگرتنەوەی قەرزەکانی پێشینەی هاوسەرگیری و خانووبەرە لە هەرێمی کوردستان دەرکرد و بەگوێرەی بڕیارەکە دەبوو لەماوەیەکی نزیکدا قەرزەکان وەربگیرێنەوە. بەجۆرێک، وەزارەتی دارایی و ئابووری حکوومەتی هەرێم بڕیاریدا بوو، بۆ وەرگرتنەوەی قەرزەکانی خانووبەرە و هاوسەرگیری، ڕێژەیەک لە مووچەی سەرجەم ئەو فەرمانبەرانە ببڕێت، کە بوونەتە کوفیلی ئەو کەسەی قەرزەکەی وەرگرتووە.

قەیرانی ئابووری ٢٠١٤ و پێنەدان و پاشەکەوت و لێبڕینی مووچەی فەرمانبەران لە هەرێمی کوردستاندا، هۆکار بوو لەوەی زۆر لەو خەڵکانەی قەرزی پێشینەی هاوسەرگیری و خانووبەرەیان وەرگرتووە، نەتوانن لەکاتی خۆیدا قەرزەکە بۆ حکوومەت بگێڕنەوە.

 

بابه‌تی په‌یوه‌ندیدار

سه‌رنجێک بنووسە

پۆستی ئەلیکترۆنییەکەت بڵاوناکرێتەوە. خانە پێویستەکان دەستنیشانکراون بە *

Back to top button
Loading...