زێدپرێس
لە قوتابخانەیەکی ناوەندی سێمێلی سنوری دهۆک، قوتابییەکی تەمەن ١٦ ساڵ، لەلایەن هاوپۆلێکی خۆیەوە بە فیشەک کوژرا.
قوتابییەکە کوژراوەکە بەناوی مستەفا فەهمی و لە پۆلی ١١ی ئامادەیی لە قوتابخانەیەکی ناوەندی سێمێلی سنوری دهۆک دەخوێنێت و بەیانی ئەمڕۆ سێشەم، ٢٨ی تشرینی دووەمی ٢٠٢٣، لەلایەن هاوپۆلێکی خۆیەوە هەر لەناو قوتابخانەکەدا کوژراوە.
هێمن سلێمان گوتەبێژی پۆلیسی پارێزگای دهۆک بۆ زێدپرێس ڕایگەیاند، لەکاتژمێر ٩:٠٠ی بەیانی ئەمڕۆ سێشەم، بنکەی پۆلیسی سێمێل لە ڕووداوی کوشتنەکە ئاگادارکراونەتەوە و دەستەبەجێ گەیشتوونەتە شوێنی ڕووداوەکە.
ئاماژەیدا، لە لێکۆڵینەوە سەرەتاییەکاندا دەرکەوت، قوتابییەک بەناوی مستەفا فەهمی، لەلایەن هاوپۆلێکی خۆی بەناوی (ع. م. ع)ەوە بە فیشەکی دەمانچە کوژراوە و تۆمەتبارەکەش لەلایەن پۆلیسەوە دەستگیرکراوە.
هەردوو بکوژ و کوژراو دانیشتووی گەڕەکێک، هاوپۆل و لەدایکبووی ساڵی ٢٠٠٧ن.
