زێدپرێس
وەزارەتی کارەبای حکوومەتی هەرێمی کوردستان ڕایدەگەیەنێت، بەهۆی گرفتێکی تەکنیکییەوە، کوژانەوەی گشتی لە سیستەمی کارەبای هەرێم ڕوویدا و تیمەكانی وەزارەتی كارەبا سەرقاڵی چارەسەرکردنی کێشەکە و گەڕانەوەی كارەبای گشتیین و بەم زووانە کێشەی کوژانەوەی گشتی چارەسەر دەکرێت.
ئەمڕۆ هەینی ١ی کانوونی یەکەمی ٢٠٢٣، وەزارەتی کارەبا ڕوونکردنەوەیەکی بڵاوکردەوە و ئاماژەیدا، بەهۆی گرفتێکی تەکنیکییەوە، کوژانەوەی گشتی لە سیستەمی کارەبای هەرێم ڕوویدا و تیمەكانی وەزارەتی كارەبا سەرقاڵی چارەسەرکردنی کێشەکە و گەڕانەوەی كارەبای گشتیین و بەم زووانە کێشەی کوژانەوەی گشتی چارەسەر دەکرێت.
لە ڕوونکردنەوەکەدا هاتووە، کە ئێوارەی ڕۆژی پێنجشەم، بەهۆی گرفتێكی تەكنیكییەوە، تەواوی یەكەكانی بەرهەمهێنانی كارەبای هەرێم كوژانەوە و تیمەکانی وەزارەتی كارەبا دەمودەست کێشەکەیان چارەسەر كردووە، بەڵام كاتژمێر (١:٠٠)ی شەو بۆ جاری دووەم كوژانەوەی گشتی ڕوویداوە و ئێستا تیمەكانی کارەبای هەرێم سەرقاڵی ئاساییكردنەوەی دۆخی سیستەمی كارەبای هەرێمی كوردستانن و “بەم نزیكانە چارەسەر دەکرێت”، وەزارەتی کارەبا وا دەڵێت.
