سەرۆكی هەرێمی كوردستان سەركۆنەی هێرشەكەی سەر كێڵگەی غازی كۆرمۆر دەكات و دووپات لەوە دەكاتەوە، كە ئەم هێرشانە ئارامی وسەقامگیریی وڵات دەخەنە مەترسییەوە، دەڵێت: “لايه‌نه په‌يوه‌نديداره‌كانى حكوومه‌تى عێراقى فيدراڵ پێويسته ئه‌ركى خۆيان بۆ ڕێگرى له‌و هێرش و په‌لامارانه و دۆزينه‌وه‌ى ئه‌نجامده‌رانى له هه‌ر لايه‌نێك بن بگێڕن و به سزاى ياسايى بگه‌يه‌نرێن.”
بۆ هەواڵ و زانیاری بەردەوام زێدپرێس لە تێلیگرام وەربگرە
نێچیرڤان بارزانی سەرۆكی هەرێمی كوردستان، پەیامێكی لەبارەی هێرشەكەی كێڵگەی گازی كۆرمۆر بڵاو كردەوە و دەڵێت: “زۆر به توندى سه‌ركۆنه‌ى هێرشى درۆنيى ئه‌م ئێواره‌يه‌ى سه‌ر كێڵگه‌ى گازى كۆرمۆر له سنوورى قه‌زاى چه‌مچه‌ماڵ له پارێزگاى سلێمانى ده‌كه‌م كه به‌داخه‌وه شه‌هيد و بريندارى لێكه‌وتووه‌ته‌وه و بووه‌ته هۆى پچڕان و كه‌مبوونه‌وه‌ى به‌رهه‌مهێنانى كاره‌با و له‌كاروه‌ستانى وێستگه‌كه”.
لەپەیامەكەیدا ئەوەش هاتووە، “له كاتێكدا سه‌ره‌خۆشى له خێزان و كه‌سوكارى شه‌هيدان ده‌كه‌م و هاوخه‌ميانم و هيواى زووچاكبوونه‌وه بۆ برينداران ده‌خوازم، دووپاتى ده‌كه‌مه‌وه كه ئه‌م هێرشانه ئارامى و سه‌قامگيريى وڵات ده‌خه‌نه مه‌ترسييه‌وه و لايه‌نه په‌يوه‌نديداره‌كانى حكوومه‌تى عێراقى فيدراڵ پێويسته ئه‌ركى خۆيان بۆ ڕێگرى له‌و هێرش و په‌لامارانه و دۆزينه‌وه‌ى ئه‌نجامده‌رانى له هه‌ر لايه‌نێك بن بگێڕن و به سزاى ياسايى بگه‌يه‌نرێن.”
لە ئەنجامی هێرشە درۆنییەكە چوار كارمەندی بیانی گیانیان لە دەستدا، چەند كارمەندی دیكەش بریندار بوون.
کێڵگەی گازی کۆرمۆر، کەوتووەتە سنوری شارەدێی قادرکەرەمی سەربە شارۆچکەی چەمچەماڵ.
