ههواڵ
وەزارەتی پێشمەرگە ڕوونکردنەوە لەسەر دابەشکردنی مووچە دەدات
![Zed Press news Ministry of Peshmrega Affairs (MOPA) زێدپرێس وهزارهتی پێشمهرگه](https://zedpress.krd/wp-content/uploads/2023/07/Zed-Press-news-92-copy-780x470.jpg)
زێدپرێس
بەڕێوەبەرایەتی گشتی بودجە و بەرنامەکان (ژمێریاری سەربازی) وەزارەتی پێشمەرگە، ڕای دەگەیەنێت، ڕۆژی ٨ی ئابی ٢٠٢٣ مووچەی لیواکانی پیادەی وەزارەتی پێشمەرگە دابەش دەکرێت.
ئێوارەی ئەمڕۆ شەمە ٥ی ئابی ٢٠٢٣، وەزارەتی پێشمەرگە ڕاگەیەنراوێکی بڵاوکردەوە و ئاماژەی دا، مووچەی لیواکانی پیادەی وەزارەتی پێشمەرگە ڕۆژی سێشەم ٨ی ئابی ٢٠٢٣، بەشێوەیەکی ئاسایی و بەبێ بوونی هیچ گرفتێک دابەش دەکرێت.
لە ڕاگەیەنراوەکەی وەزارەتی پێشمەرگەدا هاتووە، هەر هەواڵ و زانیارییەک لە پەیجی فەرمی وەزارەتی پێشمەرگە بڵاو نەکرابێتەوە، زانیارییەکی فەرمی و باوەڕپێکراو نییە.