زێدپرێس
بەڕێوەبەرایەتی ئاسایشی هەولێر، دەستگیرکردنی دوو تۆمەتباری تۆڕە کۆمەڵایەتییەکان ڕادەگەیەنێت، کە خۆیان وەک پاشای فەیسبووک و تۆپچی فەیسبووک ناساندووە.
ئێوارەی ئەمڕۆ شەممە، ١١ی تشرینی دووەمی ٢٠٢٣، بەڕێوەبەرایەتی ئاسایشی هەولێر، ڕایگەیاند، دوای وەرگرتنی ڕەزامەندی داوەری لێکۆڵینەوەی ئاسایشی هەولێر، دوو تۆمەتباریان بەناوەکانی (ع. أ. ع.) و (ك. أ. ع.) دەستگیر کردووە، کە خۆیان وەک “پاشای فەیسبووک” و “تۆپچی فەیسبووک” ناساندووە.
بەپێی ڕاگەیەندراوی ئاسایش، تۆمەتباران، ژمارەیەکی زۆر (هەژمار/ئەکاونت)ی فەیسبووکیان دەست بەسەرداگرتووە و لەبەرانبەر بڵاونەکردنەوەی وێنە و ڤیدۆی تایبەتی خاوەنی ئەکاونتەکان، داوای کارتی مۆبایل یان پارەیان کردووە.
ئاسایشی هەولێر، هەر لەو ڕاگەیەندراوەدا، داوای کردووە، هەر کەسێک سکاڵای یاسایی لەسەر هەژماری (پاشای فیس بوک) و (تۆپ جی فیس بوک) هەیە، سەردانیان بکات.
