بەشی پێشبینی کەشوهەوا ڕایگەیاند، ڕۆژی دووشەم، ١٨ی ئازاری ٢٠٢٤، نمەباران لە کاتە جیاجیاکان لە هەندێ ناوچە دەبارێت و زۆربەی کاتەکان ئاسمان هەوری تەواو دەبێت و پلەکانی گەرما بە نزیکەی ١-٣ پلە نزم دەبنەوە. سنووری پارێزگای دهۆک بارانی زیاتر دەبێت، بەتایبەت لە کاتەکانی شەودا.
ڕۆژی سێشەم، ١٩ی ئازاری ٢٠٢٤، دوای زیادبوون و بەهێزبوونی کاریگەریی ئەم شەپۆلەی ڕوو لە ناوچەکەمان دەکات، بارانبارین بەشێوەی مامناوەند و لێزمە و هەورە تریشقە سەرجەم هەرێمی کوردستان دەگرێتەوە.
بڕی بارانبارینی پێشبینیکراو لەگەڵ کاتی دابارین بە جیاوازیی ناوچەکەمان بەم شێوەیە دەبێت:
پێشبینی دەکرێت بڕی بارانبارین بەم شێوەیە بێت:
سەنتەری شاری دهۆک سەرووی ٦٠ ملم و ناوچە شاخاوییەکان بە تایبەت ناوچە سنووریەکان (ئاکرێ، شیلادزە، چمانکێ ئامێدی) سەرووی ٧٠ ملم. هەروەها ئیدارەی سەربەخۆی زاخۆ لە نێوان ٤٥-٦٠ ملم دەبێت.
دوای درێژبوونەوەی کاریگەریی ئەم شەپۆلە بۆ سەرجەم ناوچە جیاجیاکانی هەرێم، بڕی دابارین بۆ ڕۆژی سێشەم لە ناوچەکانی تر بەم شێوەیە دەبێت:
سنووری پارێزگای هەولێر: سەنتەری شار زیاتر لە ٤٠ ملم دەبێت، وە ناوچە شاخاوییەکانی سنووری پارێزگای هەولێر لە سەرووی ٦٠ ملم دەبێت.
لە ئیدارەی سەربەخۆی سۆران بڕی بارانی پێشبینیکراو لە سەرووی ٦٠ ملم دەبێت.
سنووری پارێزگای سلێمانی و ئیدارەی گەرمیان و بەشێک لە پارێزگای هەڵەبجە زۆربەی کات لە کاتەکانی دوای نیوەڕۆ و ئێوارە بارانبارینی بە لێزمەی دەبێت و بارانی پێشبینیکراوی لە ماوەی کاریگەریی ئەم شەپۆلە بەم شێوەیە دەبێت:
سنووری پارێزگای سلێمانی و ناوچە شاخاوییەکانی ٤٥-٧٥ ملم دەبێت.
ئیدارەی سەربەخۆی گەرمیان لە ٣٥-٤٥ ملم دەبێت.
پارێزگای هەڵەبجە و ناوچە شاخاوییەکانی ٢٥-٣٥ ملم دەبێت.
ئیدارەی سەربەخۆی ڕاپەڕین: بە درێژایی ماوەی دەستپێکی شەپۆلەکە بارانبارین دەبێت و بڕی بارانی پێشبینیکراو بۆ ئەم سنوورە لە نێوان ٦٥-٨٥ ملم دەبێت.
هەروەها ئەگەری تەزرەبارین و هەورەتریشقە هەیە لە کاتە جیاجیاکان و هەندێ ناوچەدا، لەگەڵ زیادبوونی خێرایی با بۆ سەرووی ٢٥ کم لە کاتژمێرێکدا.
کاریگەریی ئەم شەپۆلە لە ڕۆژی چوارشەم، ٢٠ی ئازاری ٢٠٢٤، لاواز دەبێت و لە کاتەکانی دواینیوەڕۆی هەمان ڕۆژ کۆتایی دێت.
