یەکێتی: پابەندین بە وادەی هەڵبژاردنی پەرلەمانی کوردستانەوە
![](https://zedpress.krd/wp-content/uploads/2023/08/Zed-Press-PUK-copy-780x470.jpg)
ئێوارەی ئەمڕۆ دووشەم، ١٨ی ئازاری ٢٠٢٤، سەعدی ئەحمەد پیرە، گوتەبێژی یەکێتیی نیشتمانیی کوردستان لە ڕوونکردنەوەیەکدا هەڵوێستی حزبەکەی لەمەڕ هەڵبژاردنی پەرلەمانی کوردستان خستەڕوو.
لە ڕوونکردنەوەکەدا دەڵێ: “یەکێتیی نیشتمانیی کوردستان پابەندە بە وادەی هەڵبژاردنی پەرلەمانی کوردستان لە ١٠ی ٦ی ٢٠٢٤ وەکوو لەلایەن بەڕێز سەرۆکی هەرێم بڕیاری لەسەر دراوە”.
زیاتر هاتووە: “هەڵبژاردنی پەرلەمانی کوردستان باشترین ڕێگایە بۆ قووڵکردنەوەی زیاتری دیموکراسی و تێپەڕاندنی ئەم بارودۆخە ئاڵۆزەی ناوخۆ و ناوچەکە بە گشتی”.
دەقی ڕوونکردنەوەکە:
یەکێتیی نیشتمانیی کوردستان پابەندە بە وادەی هەڵبژاردنی پەرلەمانی کوردستان لە ١٠ی ٦ی ٢٠٢٤ وەکوو لەلایەن بەڕێز سەرۆکی هەرێم بڕیاری لەسەر دراوە .
یەکێتی رای وایە هەڵبژاردنی پەرلەمانی کوردستان باشترین ڕێگایە بۆ قووڵکردنەوەی زیاتری دیموکراسی و تێپەڕاندنی ئەم بارودۆخە ئاڵۆزەی ناوخۆ و ناوچەکە بە گشتی .
چالاککردنەوەی پەرلەمان گرنگە بۆ ئەنجامدانی ئەرکە یاسایی و سەرەکییەکانی و چارەسەرکردنی کێشە و گرفتە فرە رەهەندەکانی کۆمەڵانی خەڵکی کوردستان.
سەعدی ئەحمەد پیرە
وتەبێژی یەکێتیی نیشتمانیی کوردستان