ههواڵ
لیستی مووچەی مانگی تەممووز ڕادەستی وەزارەتی دارایی عێراق کرا
![Ministry of Finance and Economy وەزارەتی دارایی و ئابوریی ههرێمی كوردستان زێدپرێس](https://zedpress.krd/wp-content/uploads/2023/08/Ministry-of-Finance-and-Economye-copy-780x470.jpg)
لیستی مووچەی فەرمانبەرانی مەدەنی و سەربازی و سەرجەم مووچەخۆرانی هەرێمی کوردستان ڕادەستی وەزارەتی دارایی عێراق کرا.
وەزارەتی دارایی و ئابووری حکوومەتی هەرێمی کوردستان ڕایگەیاند، بەیانی ڕۆژی یەکشەم، ٢١ی تەممووزی ٢٠٢٤، لیستی مووچەی مانگی تەممووزی سەرجەم فەرمانبەران و مووچەخۆران و دەزگا ئەمنی و سەربازییەکان لەلایەن تیمی هونەری وەزارەتی دارایی و ئابووری هەرێمی کوردستانەوە ڕادەستی بەڕێوەبەرایەتی گشتی ژمێریاری لە وەزارەتی دارایی حکوومەتی فیدڕاڵ کرا.
وەزارەتەکە لە ڕاگەیەندراوێکدا ئاماژەی بەوە کردووە، لیستی مووچەی خانەنشینانی هەرێمی کوردستان بەهاوتاکراویی و بەپێی یاسای خانەنشینی یەکگرتووی عێراق ڕەوانە کراوە.