زێدپرێس
بەڕێوەبەرایەتی ئاسایشی ڕۆژئاوای سلێمانی لە قەزای بازیان، بازرگانێکی ماددەی هۆشبەر دەستگیر دەکات.
ئەمڕۆ دووشەم ٧ی ئابی ٢٠٢٣، دەزگای ئاسایشی هەرێم لە سلێمانی، ڕای گەیاند، بە بڕیاری دادوەری لێکۆڵینەوەی ئاسایش، هێزەکانی بەڕێوەبەرایەتی ئاسایشی ڕۆژئاوای سلێمانی بازرگانێکی ماددەی هۆشبەریان بەناوی (ی، ع، ح) لە قەزای بازیان دەستگیر کردووە.
بەپێی ڕاگەیەنراوەکە، تۆمەتبار هەریەک لە ماددەکانی (کریستاڵ، حەشیش، تلیاک، شروبی هۆشبەر)ی بەکارهێناوە و بازرگانی پێوەکردووە.
زیاتر دەڵێ “ئێستا تۆمەتبار بەیاسای بەرەنگاربوونەوەی ماددەی هۆشبەر و کارتێکەرە ئەقڵییەکان ڕاگیراوە و لێکۆڵینەوە لە دۆسیەکەی بەردەوامە”.
