ههواڵ
پێنج بازرگانی ماددەی هۆشبەر و پێنج ئامیری قومارکردن گیران
![](https://zedpress.krd/wp-content/uploads/2023/08/Zed-Press-news-229-copy-780x470.jpg)
بەڕێوەبەرایەتی نەهێشتنی ماددە هۆشبەرەکان دەست بەسەرداگرتنی بڕی (٥.٥) پێنج کیلۆگرام و نیو ماددەی هۆشبەر و (٥) پێنج ئامێری قومارکردن ڕادەگەیەنێت.
ئەمڕۆ دووشەم ٢٨ی ئابی ٢٠٢٣، بەڕێوەبەرایەتی نەهێشتنی ماددە ھۆشبەرەکان ڕایگەیاند، لەلایەن تیمەکانیان و بەهاوکاری بەشی جموجۆڵی بەڕێوەبەرایەتی ئاسایشی کەرکووک، لەچەند چالاکییەکدا، دوای بەدواداچوونی ورد و وەرگرتنی فەرمانی دەستگیرکردن و پشکنین لەلای دادوەری لێکۆڵینەوەی ئاساییش، توانرا (٥) تۆمەتبار دەستگیر بکرێن کە کاری کڕین و فرۆشتنی ماددەی هۆشبەر دەکەن، لەگەڵ دەستگیرکردنیشان بڕی (٥.٥) پێنج کیلۆگرام و نیو لە ماددەی هۆشبەر و (٥) ئامێری قومارکردن دەستی بەسەرداگیرا.
بەپێی بەڕێوەبەرایەتی نەهێشتنی ماددە هۆشبەرەکان، پەڕاوی لێکۆڵینەوە بۆ تۆمەتباران کراوەتەوە و بەپێی یاسا مامەڵەیان لەگەڵدا دەکرێت.