زێدپرێس
بەرەبەیانی ئەمڕۆ سێشەم ٢٩ی ئابی ٢٠٢٣، له گه‌ڕه‌كی به‌رانانی شاری سلێمانی ڕووداوێكی ته‌قه‌كردن ڕوویدا و له‌ئه‌نجامدا هاووڵاتییه‌كی به ڕه‌گه‌زنامه عه‌ره‌ب بریندار بوو، دوای گه‌یاندنی بۆ نه‌خۆشخانه به‌هۆی سه‌ختی برینه‌كه‌یه‌وه گیانی له‌ده‌ستدا.
بەڕێوەبەرایەتی پۆلیسی پارێزگای سلێمانی ڕایگەیاند، ده‌ستبه‌جێ مه‌فره‌زه‌كانی به‌شی پۆلیسی نه‌هێشتنی تاوان و هه‌ردوو بنكه‌ی پۆلیسی به‌ختیاری و كوردسات لێكۆڵینه‌وه‌كانیان ده‌ستپێكرد و توانرا له‌چه‌ند كاتژمێرێكی كه‌مدا دوو تۆمه‌تبار بدۆزرێنه‌وه و ده‌ستگیربكرێن.
بەپێی پۆلیسی سلێمانی، تۆمه‌تباران (ك. م – م. أ) دانیان به‌تاوانه‌كه‌یاندا ناوه و په‌ڕاوی لێكۆڵینه‌وه‌یان بۆ كراوه‌ته‌وه و ئێستا به‌بڕیاری دادوه‌ر و به‌پێی مادده‌ی ٤٠٦ له‌یاسای سزادانی عێراقی ڕاگیراون و لێكۆڵینه‌وه‌كان به‌رده‌وامه.
بەگوێرەی سەرچاوە ڕۆژنامەوانییەکان، کوژراوەکە کاری دیلیفەری کردووە. لە کامێراکانی چاودێریشدا دەردەکەوێت، کاتێک کوژراوەکە بەسەر ماتۆڕی دیلیفەرییەکەیەوەیە، لەناو ئۆتۆمبێلێکەوە دەستڕێژی گولەی لێدەکرێت و ڕاستەوخۆ دەکەوێت.
