زێدپرێس
وەزارەتی سامانە سروشتییەکان ڕوونکردنەوەیەکی لەبارەی هێرشکردنە سەر کێڵگەی گازی کۆرمۆر ڕاگەیاند.
لە ڕوونکردنەوەکەدا هاتووە، ئەمشەو كاتژمێر ٩:٣٠ خوولەک بە چەند مووشەکێک هێرش کرایە سەر کێڵگەی گازیی کۆرمۆر؛ خۆشبەختانە هێرشە مووشەكییەكە هیچ زیانێكی گیانی و ماددیی لێنەكەوتووەتەوە.
باس لەوەش کراوە، وەزیری سامانە سروشتییەكان (بە وەكالەت) ڕاستەوخۆ لەگەڵ بریكاری وەزارەتی سامانە سروشتییەكان و تیمی وەزارەت و لایەنە ئەمنییەكان لەسەر هێڵە و بەهەماهەنگی لەگەڵ کۆمپانیای دانەگاز بەدواداچوونی دۆخەکە دەکات تا کاریگەریی لەسەر بەرهەمهێنانی گاز و کارەبا نەکات.
