زێدپرێس
پۆلیسی دارستان و ژینگەی ڕاپەڕین دوو ڕاوچی باز بە داو و کۆتری ڕاوەوە دەستگیر دەکەن.
ئەمڕۆ یەکشەم ١٧ی ئەیلوولی ٢٠٢٣، بەڕێوەبەرایەتی پۆلیسی دارستان و ژینگەی ڕاپەڕین ئاشکرای کرد، دوو ڕاوچییان دەستگیر کردووە، کە لە ڕێگەی داو و کۆتری ڕاوەوە، خەریکی ڕاوکردنی باز بوون لە دەڤەرەکەدا.
بەگوێرەی پۆلیسی دارستان و ژینگەی ڕاپەڕین، ڕاوچییەکان لە نەتەوەی عەرەب بوون و لە دەشتی بیتوێن خەریکی ڕاوی باز بوون. پاش دەستگیرکردنیان، پەڕاوی لێکۆڵینەوەیان بۆ ئامادە کراوە و ڕادەستی دادگا کراون.
ئێستا هەردوو ڕاوچییەکە، بە فەرمانی دادوەر ڕاگیراون و فەرمانی دەستگیرکردن بۆ سەرپێچیکاری دیکەیش دەرکراوە.
