زێدپرێس
لە پێنجوێن ٧ کرێکار لە ڕووداوێکی هاتوچۆدا بریندار بوون و باری تەندروستییان جێگرە.
نەخۆشخانەی گشتی شەهیدان لە پێنجوێن ڕایگەیاند، کاتژمێر ١:٣٠ خوولەکی ئەمڕۆ یەکشەم ١ی تشرینی یەکەمی ٢٠٢٣، حەوت کەس لە ڕووداوێکی هاتوچۆدا بریندار بوون، بەهۆی تەقینی تایەی ئۆتۆمبێلەکەیان لە جۆری نیسان پیک-ئاپ، کە خۆی کێشاوە بە ستوونێکدا.
نەخۆشخانەکە ئاماژەی بەوە کردووە، لە ئەنجامی ڕووداوەکەدا ٧ هاووڵاتی بە ڕەگەزنامە عەرەب بریندار بوون، کە بۆ کرێکاریی ڕوویان لە پێنجوێن کردووە.
نەخۆشخانەی گشتی شەهیدان دەڵێ، ئێستا دۆخی بریندارەکان جێگیرە و لەلایەن تیمی کارمەندانی فریاکەوتنەوە کاری پێویستیان بۆ کراوە و لە ژێر چاودێریدا دەهێڵدرێنەوە.
