زێدپرێس
کۆمپانیایەکە لە ڕاگەیەندراوێکدا، ئاماژەیدا، دوابەدوای داخستنی بۆڕی گواستنەوەی نەوتی عێراق-تورکیا لە مانگی ئازاری ٢٠٢٣، کۆمپانیایەکە وردە وردە دەستی بە بەرهەمهێنان لە کێڵگەکانی تاوکێ و پیشخابور کردەوە و گەیاندنی بۆ کۆمپانیا بازرگانییە ناوخۆییەکانی هەرێمی کوردستانی عێراق چڕترکردەوە.
وەک لە ڕاگەیەندراوەکەدا هاتووە، کێڵگەی تاوکێ لە ١٨ی تەممووز کرایەوە، و تێکڕای بەرهەم لە تاوکێ لە چارەکی سێیەمی ٢٠٢٣دا بە کۆی گشتی ٢٥ هەزار و ٩٨٤ بەرمیلی ڕۆژانە بووە.
ڕوونی دەکاتەوە، “بەرهەمهێنان بەردەوامە لە هەڵکشان؛ تا ئێستا لە چارەکی چوارەمدا بەرهەمهێنان بە تێکڕا دوو هێندە زیاترە لە ئاستی چارەکی سێیەم، لەگەڵ کێڵگەی پیشخابور کە لە ١٦ی تشرینی یەکەم دەستی بە بەرهەمهێنان کردووەتەوە”.
بەپێی ڕاگەیەندراوەکە، شایستەی گرێبەستی کۆمپانیا سەرکارەکان لەو کێڵگەیەدا، ئێستا نزیکەی نیوەی قەبارەی بەرهەمهێنراوەکانە. نەوتەکە بە نرخێک دەفرۆشرێت کە لە دەوری ٣٠ دۆلار بۆ هەر بەرمیلێک و پێشوەختە پارەکە وەردەگیرێت.
