زێدپرێس
بەڕێوەبەرایەتی ده‌روازه‌ى نێوده‌وڵه‌تى ئیبراهیم خه‌لیل ڕایدەگەیەنێت، لەماوەی چوار مانگی ڕابردوودا، ٧ هەزار و ٢٥٢ تۆن کەرستە و کەلوپەلی جیاجیایان گێڕاوەتەوە یان لەناوبردووە.
ئەمڕۆ سێشەم، ١٤ی تشرینی دووەمی ٢٠٢٣، بەڕێوەبەرایەتی ده‌روازه‌ى نێوده‌وڵه‌تى ئیبراهیم خه‌لیل، بڵاویکردەوە، له ڕێكکه‌وتى ١ی تەمووزی ٢٠٢٣ تا ٣١ی تشرینی یەکەمی ٢٠٢٣، بڕی ٧ هەزار و ٢٥٢ تۆن کەرستە و کەلوپەلی جیاجیا، بەهۆی پەسندنەکردنیان لە تاقیگە و لێژنە پەیوەندیدارەکانی دەروازەکەوە، بۆ سەرچاوەی هاوردەکردنەکە گێڕدراونەتەوە یان لەناوبردراون.
ڕوونی دەکاتەوە، کەلوپەلەکان لەگەڵ ڕێنماییەکانی حکوومەتی هەرێمی کوردستان نەگونجاون و زۆرینەیشیان لە کەلوپەلی کۆزماتیک، خواردنەوە و خواردنەوە پێکهاتبوون، جگە لە کەلوپەلەکانی بواری ڤێتێرنەری، کشتوکاڵ و بیناسازی.
