زێدپرێس
ئەمڕۆ سێشەم، ١٤ی تشرینی دووەمی ٢٠٢٣، لێژنە هاوبەشەکانی قایمقامیەتی قەزای ڕانیە، هەڵمەتێکی مەیدانییان لە ناوەندی شارۆچکەکە دەستپێکرد و سەردانی ئەو دەستگێڕانەیان کرد، کە بەرهەمی سپیایی دەفرۆشن.
لە ڕاگەیەندراوی قایمقامیەتدا هاتووە، “دوور لەڕێنمایی تەندروستی بەرهەمی سپیایی لە جۆری ماست دەفرۆشن و جۆرەها قوماش و کلێنسی جۆراوجۆر بەکاردەهێنن لەسەر ڕووپۆشی سەرەوەی ماستەکە دادەنرێت”.
بەڵام، وەک ڕوونیدەکاتەوە، ئەو قوماش و کلێنسە، تەندروست نییە.
“تیمی تایبەت بۆ ئەم مەبەستە ڕاسپێردراون و لە ئەگەری دووبارەبوونەوە، سەرجەم بەرهەمەکانیان دەستی بەسەردا دەگیرێت و تەلەف دەکرێت”، قایمقامیەتی ڕانیە وا دەڵێ .
هاووڵاتییانیش ئاگادار دەکاتەوە، کە لەکاتی بوونی سکاڵا یان گومان، لەڕێگەی ژمارە مۆبایلی (٠٧٧٠٨٥٩٣٠٠٠)ەوە، پەیوەندی بە لێژنە هاوبەشەکانی قایمقامیەتی ڕانیەوە بکەن.
