زێدپرێس
شۆڕش ئیسماعیل وەزیری پێشمەرگەی حکوومەتی هەرێمی کوردستان گەڕایەوە سەر کارەکەی.
ئەمڕۆ دووشەم، ٢٧ی تشرینی دووەمی ٢٠٢٣، شۆڕش ئیسماعیل وەزیری پێشمەرگەی حکوومەتی هەرێمی کوردستان، بە یاوەری قوباد تاڵەبانی جێگری سەرۆکوەزیرانی هەرێمی کوردستان گەڕایەوە سەر کارەکەی و دەستی بە دەوامکردن لە وەزارەتی پێشمەرگە کردەوە.
گەڕانەوەی شۆڕش ئیسماعیل بۆ وەزارەتی پێشمەرگە، لەکاتێکدا دێت، کە لە تشرینی دووەمی ساڵی ڕابردووەوە، بەهۆی قوڵبوونەوەی ناکۆکییەکانی پارتی و یەکێتی سەبارەت بە مامەڵەکردنیان لەگەڵ پێشمەرگە و خەرجییەکانی، ناوبراو لە ئابی ٢٠٢٢دا نامەی دەستلەکارکێشانەوەی پێشکەش بە سەرۆکوەزیرانی هەرێمی کوردستان کردبوو.
گەڕانەوەی شۆڕش ئیسماعیل بۆ وەزارەتی پێشمەرگە، دوابەدوای ئەو دیدار و کۆبوونەوانە دێت، کە لەماوەی ڕابردوو لەنێوان بڕیاردەرانی باڵای پارتی و یەکێتی بەڕێوەچوون.
